АҚШда C гепатити вирусининг барча генотипларини енгишга қодир доридан фойдаланишга рухсат берилди

АҚШ озиқ-овқат ва дори-дармон сифати масалалари бўйича бошқармаси (FDA) C гепатити вирусининг олти генотипига қарши кураша оладиган янги дори воситасидан фойдаланишга рухсат берди. Gilead Sciences компанияси томонидан яратилган янги дори «Эпклуса» (Epclusa) номини олди, деб хабар бермоқда «ТАСС».

FDA хулосасига кўра, янги препарат C гепатитига йўлиққанлар 95 фоиз ҳолатда тузалишини кафолатлайди. Даволаш курси — кунига биттадан таблетка — уч ой давом этади ва бошқа препарат — «Рибавирин» курси билан биргаликда олиб борилади.

«Эпклуса» жуда қиммат препарат ҳисобланади. Унинг битта таблеткаси ҳозирда 890 долларга баҳоланмоқда. Курс анча узоқ давом этиши инобатга олинса, доридан жуда тор доира вакиллари фойдаланиши мумкин бўлади.

АҚШда камида 2,7 миллион киши С гепатитига йўлиққан.