Iroqlik harbiylar aviarbalar yordamida Al-Falluja shahridan qochgan kamida 150 nafar IShID jangarisini yo‘q qildi. Bu haqda mamlakat harbiy qo‘mondonligi ma’lum qildi, deya xabar beradi “RIA Novosti”.
Shahar uzil-kesil ozod etilgani haqida 26-iyun, yakshanba kuni operatsiyani boshqarayotgan Abdulvahhob as-Sa’diy ma’lum qildi. Al-Falluja 2014-yil boshidan beri IShID nazoratida edi.
Qochayotgan terrorchilarga zarbalar berilishi 28-iyun, seshanba kuni kechki payt boshlandi. Jangarilar boy berilgan shahardan qurol va texnikani olib ketmoqchi bo‘lgan, biroq 260 dan ortiq mashina yo‘q qilingan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)