“O‘zbekiston havo yo‘llari” milliy aviakompaniyasining 28-iyunga mo‘ljallangan “Istanbul — Toshkent” (HY-274) reysi 29-iyun kuni amalga oshiriladi. Bu haqda, aviakompaniya matbuot xizmatiga asoslanib, “Gazeta.uz” xabar bermoqda.
Reys Istanbulning Otaturk nomli aeroportida terakt yuz bergani va shu sababli Turkiya rahbariyati havo bandargohini vaqtincha yopish haqidagi qarori sabab kechiktirilgan.
“O‘zbekiston havo yo‘llari” ma’lumotiga ko‘ra, HY-274 reysi samolyoti mahalliy vaqt bilan 20:00 da Istanbuldan uchadi, yo‘lovchilarni ro‘yxatga olish jarayoni 17:00 dan boshlanadi.
Qayd etish joiz, chorshanba kuni Toshkentdan Istanbulga “O‘zbekiston havo yo‘llari”ning HY-271 reysi biroz kechikib uchdi.
Seshanba kuni xuddi shu sabab bilan Turkish Airlines’ning Istanbuldan Toshkentga parvoz qilishi kerak bo‘lgan THY-386 reysi kechiktirilgan, barcha yo‘lovchilar aeroportdan evakuatsiya qilingan edi.
Izoh (0)