Yaponiya, AQSh va Hindiston tashqi siyosiy muassasalari vakillari 21-iyun, seshanba kuni Tokiodagi muzokaralar chog‘ida dengizdagi xavfsizlik sohasida hamkorlik qilishga kelishib oldi, deb yozadi “TASS”.
Tomonlar hamkorlikdagi harbiy dengiz mashg‘ulotlarini o‘tkazish mintaqada tinchlik va barqarorlikni ta’minlashga hissa qo‘shadi degan yakdil fikrga keldi.
“Kiodo” agentligi ta’kidlashicha, muzokaralar Xitoyning Janubiy Xitoy va Sharqiy Xitoy dengizlarida, shuningdek, Hind okeanida faolligi oshib borayotgan bir paytda bo‘lib o‘tdi.
11—17-iyun kunlari Yaponiya janubidagi Okinava prefekturasi hududida AQSh, Hindiston va Yaponiya harbiy-dengiz kuchlari ishtirokida mashg‘ulotlar o‘tkazildi.
Yaponiya vazirlar mahkamasi bosh kotibi Esixide Suga ba’zi OAVlarning ushbu uch tomonlama mashg‘ulotlar Xitoyning mintaqadagi faolligiga qarama-qarshi tarzda o‘tkazilayotgani haqidagi taxminlarini rad etdi.
Izoh (0)