Япония, АҚШ ва Ҳиндистон ташқи сиёсий муассасалари вакиллари 21 июнь, сешанба куни Токиодаги музокаралар чоғида денгиздаги хавфсизлик соҳасида ҳамкорлик қилишга келишиб олди, деб ёзади «ТАСС».
Томонлар ҳамкорликдаги ҳарбий денгиз машғулотларини ўтказиш минтақада тинчлик ва барқарорликни таъминлашга ҳисса қўшади деган якдил фикрга келди.
«Киодо» агентлиги таъкидлашича, музокаралар Хитойнинг Жанубий Хитой ва Шарқий Хитой денгизларида, шунингдек, Ҳинд океанида фаоллиги ошиб бораётган бир пайтда бўлиб ўтди.
11—17 июнь кунлари Япония жанубидаги Окинава префектураси ҳудудида АҚШ, Ҳиндистон ва Япония ҳарбий-денгиз кучлари иштирокида машғулотлар ўтказилди.
Япония вазирлар маҳкамаси бош котиби Эсихиде Суга баъзи ОАВларнинг ушбу уч томонлама машғулотлар Хитойнинг минтақадаги фаоллигига қарама-қарши тарзда ўтказилаётгани ҳақидаги тахминларини рад этди.
Изоҳ (0)