Bugun, 21-iyun kuni Toshkent shahrining Oltin tepa ko‘chasida Mercedes-Benz Conecto rusumli avtobus yonib ketdi. Bu haqda Facebook’dagi “Voditeli Tashkenta” guruhidagi suratlarga asoslanib, “Qalampir.uz” xabar bermoqda.
Voqea joyiga yong‘in xavfsizligi xizmati xodimlari yetib kelgan va yong‘in bartaraf etilgan. Avtobusda yong‘in chiqishi sabablari ma’lum qilinmagan. Qurbon bo‘lganlar va jarohatlanganlar haqida ham aniq ma’lumotlar yo‘q.
Facebook’dagi “Voditeli Tashkenta” (Drivers.uz) guruhiga joylangan avtobusning yong‘indan keyingi holati videosiga foydalanuvchilardan biri “E’tibor bering, avtobuslar har yili yozda yonib ketadi, qishda emas” deya izoh qoldirgan.
“Odamlar uchun bu oddiy holat bo‘lib qoldi”, — deya fikr bildirdi boshqa bir foydalanuvchi. “Hammaga kulgili, lekin haydovchi aybdor bo‘ladi va ishsiz qolib ketadi”, — deya izoh qoldirdi yana bir foydalanuvchi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)