“Profi Education” o‘quvchisi matematika bo‘yicha Respublika olimpiadasida faxrli uchinchi o‘rinni qo‘lga kiritdi

Yana bir o‘quvchimiz Muhammadqulov Firdavs Erkinjon o‘g‘li Respublika fan olimpiadasida faxrli 3-o‘rinni egalladi va imtihonsiz o‘zi tanlagan yo‘nalishi bo‘yicha Oliy o‘quv yurti talabasi bo‘lish imkoniyatini qo‘lga kiritdi. Firdavs to‘qqiz oy davomida yakshanba kunlari “Profi Education” o‘qituvchilaridan bevosita ta’lim oldi, qolgan kunlari esa “Profi Education”ning veb-sayti “itest.uz” orqali masofaviy ta‘lim oldi.

Firdavsning kelajakdagi maqsadlari bilan qiziqqanimizda, u kelgusida o‘qishini Jahon iqtisodiyoti va diplomatiya universitetining xalqaro iqtisodiy aloqalar fakultetida davom ettirishni mo‘ljallayotganligini aytdi. Albatta, “Profi Education”ning ahil jamoasi Firdavsga kelgusidagi ishlarida zafar yor bo‘lishini tilab qoladi.

Farzandlarimizning mana shunday yutuqlarini ko‘rar ekanmiz, beixtiyor yurtboshimiz I. A. Karimovning mana bu so‘zlari yodimizga tushadi: “Bilasizmi, men ba’zan o‘ylab qolaman, dunyoda fanlar ko‘p, ilm-fanning ajoyib yutuqlarini barcha sohalarda ko‘rish mumkin. Men bunday mashaqqatli mehnatdan doimo hayratga tushaman. Bizning xalqimizda “Ilm bilan shug‘ullanish – igna bilan quduq qazish bilan barobar” degan maqol bor. Ana shu igna bilan quduq qaziyotganlar bor bo‘lsin! Ular qo‘lyozmalar ustida 10—20 yillab va hatto umrbod ishlayotgan insonlardir. Bunday sabr-toqat bilan mehnat qilayotgan insonlar qalbida buyuk daholar merosini butun dunyoga namoyon etish istagi shunchalik kuchliki, hech shubhasiz, bunday daholarsiz insoniyat ravnaq topa olmaydi”.

Hurmatli yurtdoshlar, bizning yurtimiz allomalarning yurtidir. Mana mustaqillik sabab yurtimizda ham dunyo ilm-fan beshigini tebratgan allomalarga munosib izdoshlar ko‘payib bormoqda. Bularning barchasi Vatanimiz tinchligi, farovonligi tufayli bo‘lmoqda. Mustaqilligimizning 25 yilligi barchamizga muborak bo‘lsin, aziz yurtdoshlar!

Hurmat bilan “Profi Education” jamoasi