Toshkentda Shanxay hamkorlik tashkiloti sammiti arafasida besh yulduzli Hyatt Regency Tashkent mehmonxonasi qurib bitkazildi, deb yozadi UzDaily.
Hyatt Regency Tashkent mehmonxonasi ShHT sammitida qatnashish uchun kelgan ilk mehmonlarini qabul qildi.
Toshkentda ushbu mehmonxona 2013-yilda qurila boshlagan edi. Loyiha qiymati taxminan 205 million dollarga teng.
Loyiha O‘zbekiston Tiklanish va taraqqiyot jamg‘armasining 42 million dollarlik, Xalq bankining 100 milliard so‘mlik kreditlari va Toshkent ma’muriyatining o‘z mablag‘lari hisobidan moliyalashtirildi.
Eslatib o‘tamiz, mehmonxona hududida 300 ta xona bo‘lib, ulardan 38 tasi “lyuks” toifasiga kiradi. Bulardan tashqari, 5 ta diplomatik xona, shuningdek, bitta prezidentlik xonasiga xizmat ko‘rsatiladi. Xonalar maydoni 35–190 kvadrat metr orasida.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)