Forbes jurnalining ma’lumotlariga ko‘ra, Krishtianu Ronaldu 2016-yilning eng qimmat futbolchisi deb topildi. Shu munosabat bilan “Stadion.uz” futbolchining daromad manbalari va yirik xarajatlari ro‘yxatini taqdim etdi.
So‘nggi 12 oy ichida Ronaldu 88 million dollar daromad ko‘rib, eng qimmat futbolchilar yetakchisiga aylandi.
Bu daromadning 32 million dollarlik qismi Tag Heuer va Nike firmalari bilan tuzilgan shartnomalardan tushdi.
Nike kompaniyasi Ronalduga 13 million dollar gonorar berdi.
Shuningdek, Ronaldu Herbalife, Castrol, Samsung va KFC firmalari bilan ham hamkorlik qiladi.
Biroq Ronalduning eng yirik daromad manbai “Real” futbol klubi bo‘lib, unga 50 million dollardan ko‘proq haq to‘lanadi.
Agar futbolchi muddatdan avval qirollik klubini tark etadigan bo‘lsa, u “Real”ga 1 milliard dollar to‘lashga majbur bo‘ladi.
Xo‘sh, Ronaldu bu pullarni qayerga sarflaydi?
Uning eng katta xarajattalab qiziqishlaridan biri mashinalardir. U 300 ming dollarlik Lamborghini Aventador ulovida yuradi. Bundan tashqari, Maserati, Bentley, Porsche va Mercedes mashinalariga ega.
2009-yilda u 315 ming dollarlik Ferrari’ni urib olgan edi.
Keyingi xarajatlardan biri uning uyidir. Ronaldu Madridning La Finka nomli boy mahallasida yashaydi. Uning uyi 7,1 million dollarga baholanadi.
Bu hali hammasi emas.
2015-yilda u Nyu-Yorkning Trump Tower osmono‘par binosidan 18,5 million dollarga uy sotib oldi.
Ronaldu Jacob and Co kompaniyasining 160 ming dollarlik soatini taqib yuradi.
Ronaldu o‘zining mumdan ishlangan haykaliga 29 ming dollar sarfladi va “Ronaldu–2”ni uyining yo‘lagiga o‘rnatdi.
Shuningdek, u nomdor dizaynerlarda kiyinishga odatlangan. Ronaldu Armani firmasining yuzi hisoblanadi.
Ronaldu erkaklar ichki kiyimlarini ishlab chiqarish bilan ham shug‘ullanadi.
Futbolchining aytishicha, uning hasadgo‘ylari ham ko‘p. U buni “Mening pulim ko‘p, iqtidorliman, ko‘p narsaga erishdim. Men haqimdagi yomon fikrlar hasaddan boshqa narsa emas” deb izohlaydi.
Ronaldu mehribon va ko‘ngilchan. U “Oltin to‘p” topshirish marosimida yig‘lab yuborgandi.
Shuningdek, u Portugaliyaning onkologik kasalliklar markaziga 165 ming dollar xayriya qildi va 10 yoshli fanatining miya qismidagi onkologik operatsiyasi uchun 38 ming dollar ajratdi.
Izoh (0)