SpaceX kompaniyasi Falcon 9 eltuvchi raketasining quyi pog‘onasini dengiz platformasiga muvaffaqiyatli ravishda qo‘ndirish bo‘yicha ketma-ketlikni uzdi, deb yozadi “RBK”. 15-iyun, chorshanba kuni sun’iy yo‘ldoshlar uchirilgach, raketaning birinchi pog‘onasi muvaffaqiyatli tarzda qo‘na olmadi.
“Uchta qo‘ndirish dvigatellaridan biridagi tortuvchi kuch past bo‘lgan ko‘rinadi”, — deb yozdi SpaceX kompaniyasi rahbari Ilon Mask o‘z Twitter’ida. Uning qo‘shimcha qilishicha, ko‘tarilish fazasi va yo‘ldoshlarda hammasi joyida. Mask kompaniya nosozliklarni bartaraf qilish ustida ishlayotgani va uni yil oxirigacha tuzatishni ko‘zlayotganini aytdi.
U, shuningdek, keyinroq raketaning qo‘nishi aks etgan videoni e’lon qilishga va’da berdi, ushbu qo‘nishni esa “bugungi kundagi ehtimol eng qattig‘i” deb atadi. Platformaning o‘ziga ziyon yetmadi, deya qo‘shimcha qildi u.
Bungacha SpaceX Falcon 9 pog‘onasini okeandagi dengiz platformasiga uch marta muvaffaqiyatli qo‘ndirgan edi. Bu oxirgi marta 28-may kuni amalga oshirilgan edi.
Izoh (0)