Toshkent markazida Hyatt xalqaro tarmog‘iga kiruvchi mehmonxonaning qurilish ishlari nihoyasiga yetib qoldi. Mehmonxonaning rasmiy ochilishi 2016-yilning 1-iyuliga belgilangan. Shu munosabat bilan My Day uning ilk fotosuratlarini taqdim etdi.
Mehmonxonada 300 ta xona, tomdagi italyancha pitsseriya, “Xiva” restorani va ochiq ayvonli bar, 2300 kvadrat metrdan ortiq maydonga ega konferens-zonalar, 855 kvadrat metrdan iborat alohida zalga ega bino, spa xonalari, fitnes markazlari va 20 metrli yopiq hovuz bor.
Mehmonxona lobbisiga sharqona unsurlar qo‘llanilgan holda neobarokko uslubida zeb berilgan.
Mehmonxona hududida 3 ta food-zona faoliyat yuritadi. Lobbida Chai lounge, kuniga 24 soat ishlaydigan “Xiva” restorani, ochiq ayvonchadagi dijey pultiga ega Sette italyancha bistrosi ham joylashgan.
Anjumanlar va tadbirlar uchun 2300 kvadrat metrdan ortiq maydon ajratilgan. Shuningdek, alohida 855 kvadrat metrli zal mavjud.
Mehmonxona hududida 300 ta xona bo‘lib, ulardan 38 tasi “lyuks” toifasiga kiradi. Bulardan tashqari, 5 ta diplomatik xona, shuningdek, bitta prezidentlik xonasiga xizmat ko‘rsatiladi. Xonalar maydoni 35–190 kvadrat metr orasida.
Izoh (0)