Тошкент марказида Hyatt халқаро тармоғига кирувчи меҳмонхонанинг қурилиш ишлари ниҳоясига етиб қолди. Меҳмонхонанинг расмий очилиши 2016 йилнинг 1 июлига белгиланган. Шу муносабат билан My Day унинг илк фотосуратларини тақдим этди.
Меҳмонхонада 300 та хона, томдаги итальянча пиццерия, «Хива» ресторани ва очиқ айвонли бар, 2300 квадрат метрдан ортиқ майдонга эга конференц-зоналар, 855 квадрат метрдан иборат алоҳида залга эга бино, спа хоналари, фитнес марказлари ва 20 метрли ёпиқ ҳовуз бор.
Меҳмонхона лоббисига шарқона унсурлар қўлланилган ҳолда необарокко услубида зеб берилган.
Меҳмонхона ҳудудида 3 та food-зона фаолият юритади. Лоббида Chai lounge, кунига 24 соат ишлайдиган «Хива» ресторани, очиқ айвончадаги дижей пультига эга Sette итальянча бистроси ҳам жойлашган.
Анжуманлар ва тадбирлар учун 2300 квадрат метрдан ортиқ майдон ажратилган. Шунингдек, алоҳида 855 квадрат метрли зал мавжуд.
Меҳмонхона ҳудудида 300 та хона бўлиб, улардан 38 таси «люкс» тоифасига киради. Булардан ташқари, 5 та дипломатик хона, шунингдек, битта президентлик хонасига хизмат кўрсатилади. Хоналар майдони 35–190 квадрат метр орасида.
Изоҳ (0)