Fuqarolar yig‘inlari raislari va ularning maslahatchilari saylovi Qoraqalpog‘iston Respublikasida ham muqobillik va demokratik tamoyillar asosida tashkil etildi. Bu haqda O‘zA xabar bermoqda.
— Saylov jarayoni mintaqadagi 15 shaharcha, 141 ovul va 246 mahalla fuqarolar yig‘inlarining 298 tasida ochiq, 104 tasida yopiq usulda o‘tkazildi. Ularda 25 ming 335 nafar vakil ishtirok etdi, — deydi “Mahalla” xayriya jamoat fondi Qoraqalpog‘iston Respublikasi bo‘limi boshqaruvi mas’ul kotibi Maqset Palimbetov. — Saylovlarda ishchi guruhlari tomonidan fuqarolar yig‘ini raisi lavozimiga tashabbuskor, hayotiy tajriba va aholi o‘rtasida obro‘-e’tiborga ega 1 ming 324 nomzod tavsiya etildi. Saylangan 402 nafar fuqarolar yig‘ini raisining 23 nafari ayollar bo‘lsa, 271 nafar rais birinchi marta saylandi.
Saylovda Qoraqalpog‘iston Respublikasi bo‘yicha fuqarolar yig‘inlari raislarining 4 ming 160 maslahatchisi saylandi. Ularning 894 nafari ayollar, 2 ming 564 nafari birinchi marta saylangan fuqarolardir.
Izoh (0)