Apple kompaniyasi Ishlab chiquvchilar xalqaro konferensiyasi (WWDC 2016) chog‘ida Mac kompyuterlari uchun yangi operatsion tizim Sierra deb nomlanishini ma’lum qildi, deb yozadi “Gazeta.ru”.
Bundan tashqari, kompaniyadagilar ta’kidlashicha, Apple kompyuterlari uchun yangi operatsion tizimlar nomi boshqa qurilmalar operatsion tizimlaridan uslubiy jihatdan biroz farq qilgani sababli, bugungi kundan u macOS deb atala boshlaydi.
Shuningdek, yangi operatsion tizimda bir nechta yangi funksiyalar mavjud: agar kompyuter yoki noutbuk yonida bir xil akkauntli iPhone turgan bo‘lsa, ularga parol kiritish kerak bo‘lmaydi. Bundan tashqari, eski hujjatlar avtomatik ravishda iCloud Storage’ga yuboriladi, kompyuterning ish stolidagi ishlatilmaydigan fayllar (papkadan tashqarida) iPhone bilan sinxronlashadi.
Izoh (0)