Facebook Orlando shahridagi tungi klubga qurolli hujum chog‘ida AQSh hududida ilk bor “Xavfsizlikni tekshirish” (Safety Check) xizmatini faollashtirdi. Bu haqda “TASS” xabar bermoqda.
Xizmat ijtimoiy tarmoq foydalanuvchilariga tabiiy ofat, halokat yoki terakt ro‘y bergan taqdirda sog‘-omon ekanliklarini bildirishga imkon yaratadi. Facebook Parijda 2015-yil kuzida ro‘y bergan teraktlardan so‘ng “Xavfsizlikni tekshirish” xizmatini kech faollashtirgani uchun qattiq tanqid ostiga olingandi.
Eslatib o‘tamiz, AQSh prezidenti Barak Obama 50 kishi qurbon bo‘lishi, 53 kishi jarohatlanishiga olib kelgan Orlandodagi Pulse tungi klubiga hujumni “terakt” deb baholadi.
Izoh (0)