Yevro—2016. Fabian Sherning yagona goli Shveysariya termasiga Albaniya ustidan g‘alaba keltirdi

Fransiyada bo‘lib o‘tayotgan futbol bo‘yicha Yevropa Chempionatining “A” guruhida 1-tur bellashuvlari yakunlandi.

• Yevro—2016. Dmitri Payet mezbon Fransiya termasini ochilish o‘yinidagi durangdan qutqarib qoldi

5-daqiqasida hisobi ochilgan uchrashuvning 37-daqiqasida Albaniya terma jamoasi sardori Lorik Sana qizil kartochka olib, maydonni tark etdi. Bir kishi kam qolgan albaniyaliklar o‘yin yakuniga qadar muvozanatni tiklay olmadi.

Qayd etish kerak, qondosh aka-ukalar hisoblangan Taulyant hamda Granit Jakalar shu kuni ikki terma jamoa sharafini himoya qildi. Taulyant Albaniya safida harakat qilgan bo‘lsa, Granit Jaka Shveysariya safida maydonga tushdi. Bunday holat Yevropa Chempionati tarixida birinchi bor ro‘y berdi.

1-turdan keyin Fransiya va Shveysariya terma jamoalari 3 ochkodan jamg‘arib, “A” guruhida peshqadam bo‘lib turibdi. 15-iyun kuni Fransiya Albaniya terma jamoasini sinovdan o‘tkazsa, Shveysariya va Ruminiya termalari o‘zaro hisob-kitob qiladi.

[wpse_match id="351125" show_title=1]