“Match TV” sharhlovchisi Aleksandr Yelagin UzReport TV telekanalida Yevro–2016 o‘yinlarini pley-off bosqichidan sharhlaydi

Futbol bo‘yicha Fransiya mezbonlik qiladigan Yevropa chemionati bugun, 10-iyun kuni start oladi. Yevro–2016 musobaqasining pley-off bosqichidan boshlab UzReport TV telekanali orqali Rossiyaning “Match TV” sharhlovchisi Aleksandr Yelagin O‘zbekistonga tashrif buyurgan holda sharhlab boradi, deb xabar bermoqda UzReport.

• UzReport TV Yevro–2016 o‘yinlarining sharhlarini bir vaqtning o‘zida o‘zbek va rus tilida namoyish etadi

Rus tilida esa uchrashuvlarni Otabek Jo‘rayev, Jasurbek G‘aybullayev, 2010-yilda Rossiyaning “NTV Plyus” telekanali tomonidan o‘tkazilgan sharhlovchilar tanlovida finalga qadar yetib borgan Aziz G‘ulomov va futbol bo‘yicha O‘zbekiston terma jamoasi safida 12-Osiyo o‘yinlari g‘olibi bo‘lgan Azamat Abduraimov sharhlaydi.

Eslatib o‘tamiz, Aleksandr Yelagin shu yilning yanvar oyida O‘zbekistonga tashrif buyurib, Angliya Premyer-ligasining 22-tur uchrashuvlarini UzReport TV telekanali orqali sharhlagandi.