Grozniydagi Kirov nomli shoh ko‘cha afsonaviy bokschi Muhammad Ali sharafiga o‘zgartirildi. Bu haqda Checheniston rahbari vazifasini bajaruvchi Ramzan Qodirov Instagram’dagi sahifasida ma’lum qildi, deya xabar beradi “TASS”.
“Buyuk bokschi nomini abadiylashtirishga qaror qildik va Grozniy shoh ko‘chalaridan birini Muhammad Ali nomi bilan atadik. Grozniy meri Muslim Xuchiyevga buning uchun eng ko‘rkam ko‘chalardan birini tanlagani uchun minnatdorlik bildirmoqchiman. Kelgusida ushbu shoh ko‘chada Muhammad Ali nomidagi ajoyib boks zali quramiz”, — deya izoh qoldirgan Qodirov.
Ramzan Qodirov Muhammad Alini o‘zining kumiri deb atagan va aynan u boksni tanlashi hamda minglab bolalar ushbu sport turi bilan shug‘ullanishi uchun sharoit yaratishiga ilhomlantirganini bildirgan. Shuningdek, afsonaviy bokschi Grozniyga kelishi va u bilan ko‘rishishni orzu qilganini ma’lum qilgan.
Izoh (0)