Toshkent shahrida 2-iyun, payshanba kuni un tashuvchi “ZIL” yuk avtomobili ishtirokida yo‘l-transport hodisasi yuz berdi. Hodisa oqibati suratlari Facebook’dagi “Voditeli Tashkenta” guruhida e’lon qilingan.
Suratlarda tirkamada un tashuvchi “ZIL” yuk mashinasi devorga borib urilgani, g‘ildiraklari ostida esa yo‘l yoqasidagi yemakxonaning plastik stol-stullari qolib ketganini ko‘rish mumkin.
Fotoxabar muallifining yozishicha, hodisa “Shastrida bo‘lgan, tormoz ishlamay qolgan, jabrlanuvchilar yo‘q”.
Ma’lum bo‘lishicha, yuk mashinaning tormozi ishlamay qolganidan so‘ng, haydovchi uni to‘xtatish va boshqa avtomobillarga zarar yetkazmaslik maqsadida yo‘l chetiga olgan va devorga olib borgan.
“To‘qnashuvdan so‘ng haydovchi kabinadan o‘z oyog‘i bilan tushib keldi va hammasi joyida ekanini aytdi”, — deb qo‘shimcha qilgan fotoxabar muallifi.
Izoh (0)