Shu yilning 10-iyunidan 10-iyuliga qadar Fransiyada bo‘lib o‘tadigan futbol bo‘yicha Yevropa chempionatiga tayyorgarlik ko‘rayotgan Angliya va Portugaliya terma jamoalari o‘zaro o‘rtoqlik o‘yinida maydonga tushdi. “Uembli” stadionida o‘tkazilgan o‘yinda 1:0 hisobi qayd etilib, inglizlar foydasiga hal bo‘ldi, deb xabar bermoqda “Sports.ru”.
Angliya terma jamoasi mazkur o‘yinda o‘zining kuchli tarkibida maydonga tushgan bo‘lsa, Portugaliya nisbatan kuchsiz futbolchilar bilan maydonda harakat qildi. “Real” hujumchisi Krishtianu Ronaldusiz bahs olib borgan Portugaliya termasi 35-daqiqadan boshlab bir kishi kam bo‘lib harakat qildi va 0:1 hisobida imkoniyatni boy berdi.
O‘yindagi yagona golga 86-daqiqada Kris Smolling mualliflik qildi. “Manchester Yunayted” jamoasi himoyachisining boshi bilan bergan zarbasi Ruy Patrisiu qo‘riqlayotgan darvoza to‘ridan joy oldi.
O‘rtoqlik uchrashuvi2-iyun. payshanba“Uembli” stadioni
Angliya – Portugaliya 1:0 (0:0)
Gol: 1:0 – 86 Smolling.Angliya – Xart, Keyxill, Rouz, Uoker, Smolling, Milner (Uilsher, 66), Dayer, Alli (Xenderson, 90), Keyn (Starrij, 78), Vardi (Sterling, 66), Runi (Lallana, 78).
Portugaliya – Ruy Patrisiu, Karvalyu (Eder, 90), Alvesh, Elizeu, Viyeyrinya, Nani (Kuarejma, 61), Danilu Pereyra, Joau Mariu (Andre Gomesh, 46), Moutinyu (Vilyam Karvalyu, 73), Rafa Silva (Fonte, 38), Adriyen Silva (Sanshesh, 72).
Ogohlantirishlar: Keyxill (43), Danilu Pereyra (76).
Chetlatish: Alvesh (35).
Izoh (0)