OLX – O‘zbekistondagi yetakchi onlayn-e’lonlar servisi tahlilchilari yangi rekordni qayd etishdi. Aprel oyida maydoncha sahifalarini ko‘rib chiqishlar soni 100 milliondan oshdi. 2016-yil boshidan ushbu ko‘rsatkich 28% ga o‘sdi. Bu haqda OLX “Daryo”ga ma’lum qildi.
Umumiy hisobda 2016-yilning birinchi 4 oyida OLX barcha ko‘rsatkichlar bo‘yicha o‘sishni ko‘rsatdi. Servisga bo‘lgan tashriflar soni 14% ga o‘sdi. Sahifalarning ko‘rib chiqilishi kabi, ushbu ko‘rsatkich, birinchi navbatda faol mobil foydalanish hisobiga ko‘paydi. Hozirgi vaqtda 70% foydanaluvchilar aynan mobil uskunalar orqali servisdan foydalanmoqdalar. O‘tgan 4 oy mobaynida OLX mobil dasturlarining yuklanishlari soni 44% ga o‘sdi va aprel oyi oxiriga kelib 295 692 ni tashkil etdi: Android’da 244 060 yuklashlar, iOS’da — 51 632.
OLX’da joylashtirilgan yangi e’lonlar soni 4 oy davomida 328 550 ni tashkil etdi. Hozirgi vaqtda maydonchadagi faol e’lonlar soni 122 ming taklifdan ziyod. OLX’da har oyda o‘rtacha 28 ming o‘zbekistonlik sotuvchi o‘z e’lonlarini joylashtiradi. Sotuvchilar orasida eng mashhur bo‘lgan bo‘lim – “Elektronika”. U yerda deyarli 28% yangi e’lonlar joylashtirilgan. Yetakchi uchlikka, shuningdek, “Ko‘chmas mulk” va “Biznes va xizmatlar” bo‘limlari ham qo‘shildi.
Xaridorlar orasida ham eng mashhur bo‘lgan bo‘lim – “Elektronika” bo‘limidir. Tuzilgan bitimlarning 40% dan ko‘prog‘i aynan shu bo‘limga to‘g‘ri keladi. Shuningdek, tuzilgan bitimlarning umumiy sonidan “Ko‘chmas mulk” bo‘limiga 13%, “Biznes va xizmatlar” bo‘limiga 8% to‘g‘ri kelmoqda.
Izoh (0)