OLX – Ўзбекистондаги етакчи онлайн-эълонлар сервиси таҳлилчилари янги рекордни қайд этишди. Апрель ойида майдонча саҳифаларини кўриб чиқишлар сони 100 миллиондан ошди. 2016 йил бошидан ушбу кўрсаткич 28% га ўсди. Бу ҳақда OLX «Дарё»га маълум қилди.
Умумий ҳисобда 2016 йилнинг биринчи 4 ойида OLX барча кўрсаткичлар бўйича ўсишни кўрсатди. Сервисга бўлган ташрифлар сони 14% га ўсди. Саҳифаларнинг кўриб чиқилиши каби, ушбу кўрсаткич, биринчи навбатда фаол мобил фойдаланиш ҳисобига кўпайди. Ҳозирги вақтда 70% фойданалувчилар айнан мобил ускуналар орқали сервисдан фойдаланмоқдалар. Ўтган 4 ой мобайнида OLX мобил дастурларининг юкланишлари сони 44% га ўсди ва апрель ойи охирига келиб 295 692 ни ташкил этди: Android’да 244 060 юклашлар, iOS’да — 51 632.
OLX’да жойлаштирилган янги эълонлар сони 4 ой давомида 328 550 ни ташкил этди. Ҳозирги вақтда майдончадаги фаол эълонлар сони 122 минг таклифдан зиёд. OLX’да ҳар ойда ўртача 28 минг ўзбекистонлик сотувчи ўз эълонларини жойлаштиради. Сотувчилар орасида энг машҳур бўлган бўлим – «Электроника». У ерда деярли 28% янги эълонлар жойлаштирилган. Етакчи учликка, шунингдек, «Кўчмас мулк» ва «Бизнес ва хизматлар» бўлимлари ҳам қўшилди.
Харидорлар орасида ҳам энг машҳур бўлган бўлим – «Электроника» бўлимидир. Тузилган битимларнинг 40% дан кўпроғи айнан шу бўлимга тўғри келади. Шунингдек, тузилган битимларнинг умумий сонидан «Кўчмас мулк» бўлимига 13%, «Бизнес ва хизматлар» бўлимига 8% тўғри келмоқда.
Изоҳ (0)