O‘zbekiston milliy terma jamoasining JCh—2018 yo‘lidagi raqibi — Qatar terma jamoasi Albaniyaga qarshi o‘rtoqlik o‘yinida imkoniyatni boy berdi — 1:3.
Qayd etish kerak, Albaniya terma jamoasi Yevro—2016 final bosqichining “A” guruhida musobaqa mezboni Fransiya, shuningdek, Ruminiya va Shveysariya terma jamoalariga qarshi kurash olib boradi. Saralash bosqichida esa Daniya, Serbiya, Armaniston kabi terma jamoalarni ortda qoldirgan.
Albaniyaga qarshi uchrashuvda hisob Qatar termasi a’zosi Abdulkarim Hasan tomonidan 2-daqiqada ochilgandi. Birinchi taym so‘nggiga qadar Albaniya hisobda oldinga chiqib olishni uddaladi va 2-bo‘limda yana 1 ta gol urishga erishdi.
FIFA reytingida Albaniya terma jamoasi 45-pog‘odan joy olgan bo‘lsa, Qatar 83-o‘rinni egallab turibdi.
Qatar va O‘zbekiston milliy terma jamoalari ishtirokidagi JCh—2018 3-saralash bosqichidagi birinchi uchrashuv 2016-yilning 6-sentabr kuni Dohada, ikkinchisi esa 2017-yilning 28-mart kuni Toshkentda bo‘lib o‘tadi.
Xalqaro o‘rtoqlik uchrashuvi
Izoh (0)