KXDRda 200 kunlik mamlakat rahbariyatiga “sodiqlik kampaniyasi” boshlandi, deb yozadi “TASS” “Nodon sinmun” gazetasiga tayanib. Tegishli qaror Pxenyanda 26—28-may kunlari bo‘lib o‘tgan vazirlar, turli partiya, davlat, iqtisodiy va harbiy muassasalar, shuningdek, jamoatchilik tashkilotlari vakillari ishtirokidagi konferensiyada qabul qilingan.
Konferensiyada bosh vazir Pak Bon Dyu so‘zga chiqib, “KXDR iqtisodiy taraqqiyotining besh yillik strategiyasini amalga oshirish uchun mamlakatda 200 kunlik sodiqlik kampaniyasini o‘tkazish” qarori haqida e’lon qildi.
Kampaniya BMT Xavfsizlik Kengashi, Yevroittifoq, shuingdek, AQSh, Janubiy Koreya va Yaponiya tomonidan Pxenyanning raketa-yadro dasturiga javoban bir tomonlama tartibda kiritilgan sanksiyalar sharoitida o‘tkaziladi.
Izoh (0)