Xitoy transport infratuzilmasini qurish bo‘yicha yirik loyihalarga 4,7 trillion yuan (taxminan 725 milliard dollar) investitsiya kiritishni rejalashtirmoqda, deb yozadi “TASS” Xitoy xalqaro radiosiga tayanib.
Taraqqiyot va islohot bo‘yicha davlat qo‘mitasi vakili Chjen Szyan so‘zlariga ko‘ra, ushbu qaror hukumatning mamlakatdagi barcha fuqarolarni, jumladan, Xitoyning olis, qashshoq hududlarida yashaydigan aholini 2020-yilgacha qashshoqlik yoqasidan olib chiqish niyati bilan bog‘liq.
“Transportning ancha ishonchli shakllaridan foydalanish uchun imkoniyat taqdim etish orqali odamlarga nochorlikni yengishga yordam bergan bo‘lamiz, deb o‘ylaymiz. Aynan shu sababli o‘z rejalarimizga ushbu viloyatlarni hududiy transport xablari bilan bog‘laydigan qishloq yo‘llarini qurishni kiritdik”, — dedi u.
Sohani rivojlantirish bo‘yicha uch yillik rejada 300 ga yaqin yangi loyihalar qurilishi ko‘zda tutilgan.
Izoh (0)