Xalqaro darajadagi sport tadbirlarida 20 yilga yaqin ishlagan professional fotosuratchi Bred Mengin o‘zining iPhone 6s Plus smartfoni foydasiga professional texnikadan voz kechdi deb yozadi TJournal.
Uning aniqlik kiritishicha, iPhone orqali suratga olishda mavjud cheklovlarni yodda tutish muhimdir. Masalan, sportchilarni harakat chog‘ida suratga tushirishga urinish o‘rniga, yirik uskunalarni o‘rnatishga ruxsat berilmaydigan zonalarga kirish mumkin.
Bundan tashqari, suratchining so‘zlariga ko‘ra, iPhone “qurolsizlantirish” xususiyatiga ega bo‘lib, kishilar bunday kamera qarshisida o‘zini tabiiyroq tutadi.
Smartfon, shuningdek, kontentni chop etish borasida ham afzalliklarga ega, chunki suratlarni fotoapparat xotira kartasidan ko‘chirib olish kerak bo‘lmaydi. Bred ko‘pincha suratlarni telefonning o‘zida turli dasturlardan foydalangan holda tahrirlab qo‘ya qoladi.
The Players Championship doirasida golf bo‘yicha musobaqalar chog‘ida Mengin o‘z iPhone orqali 3232 ta kadrni muhrladi, ular orasidan 380 ta eng yaxshi kadrlar tanlab olindi.
Izoh (0)