“Paxtakor” O‘zbekiston Kubogi musobaqasini nimchorak finaldayoq tark etdi

O‘zbekiston futbolining so‘nggi ikki yillikdagi chempioni Toshkentning “Paxtakor” klubi O‘zbekiston Kubogidan chiqib ketdi. “Buxoro”ga har ikki bellashuvda ham imkoniyatni boy bergan amaldagi chempion avvalroq Osiyo Chempionlar Ligasining guruh bosqichini ham muvaffaqiyatli yakunlay olmagandi.

• O‘zbekiston Kubogi. Chorak finalning olti ishtirokchisi nomi aniq bo‘ldi

Qayd etish kerak, 2016-yil hisobidan “Paxtakor” va “Buxoro” klublari o‘zaro uch bor to‘qnash keldi. Shularning 2 tasida Buxoro klubining qo‘li baland kelgan va 1 tasida g‘olib jamoa aniqlanmagan. Mana shu uch o‘yinda “Paxtakor” raqibi darvozasiga biror marta ham yo‘l topa olmadi.

Shu tariqa “Buxoro” chorak finalga yo‘llanma olgan yettinchi klubga aylandi. Bunga qadar “Bunyodkor”, “Nasaf”, “Metallurg”, “Mash’al”, “Qo‘qon—1912” va “Andijon” klublari ham chorak finalda to‘p surish huquqini qo‘lga kiritgandi.

“Championat.asia” xabariga ko‘ra, ertaga — 23-may kuni O‘zbekiston Kubogining chorak finaliga yo‘l olgan jamoalar vakillari ishtirokida yig‘ilish o‘tkazilib, unda juftliklar birinchi bo‘lib kimning maydonida to‘p surishiga oydinlik kiritiladi.

Ma’lumot uchun, nimchorak finaldan joy olgan faqatgina 1 ta o‘yin qolgan bo‘lib, 8-iyun kuni Toshkentda “Lokomotiv” va “O‘zDongJu” klublari to‘qnash keladi. Birinchi o‘yinda “temiryo‘lchilar” 4:1 hisobida muvaffaqiyat qozongandi.

O‘zbekiston Kubogi 18/final. Javob o‘yini 22-may, yakshanba

“Buxoro” — “Paxtakor” 1:0

Chorak final juftliklari“Buxoro” — “Qo‘qon—1912”“Andijon” — “Nasaf”“Bunyodkor” — “Metallurg”“Mash’al” — “Lokomotiv”/”O‘zDongJu”