Ўзбекистон футболининг сўнгги икки йилликдаги чемпиони Тошкентнинг «Пахтакор» клуби Ўзбекистон Кубогидан чиқиб кетди. «Бухоро»га ҳар икки беллашувда ҳам имкониятни бой берган амалдаги чемпион аввалроқ Осиё Чемпионлар Лигасининг гуруҳ босқичини ҳам муваффақиятли якунлай олмаганди.
Қайд этиш керак, 2016 йил ҳисобидан «Пахтакор» ва «Бухоро» клублари ўзаро уч бор тўқнаш келди. Шуларнинг 2 тасида Бухоро клубининг қўли баланд келган ва 1 тасида ғолиб жамоа аниқланмаган. Мана шу уч ўйинда «Пахтакор» рақиби дарвозасига бирор марта ҳам йўл топа олмади.
Шу тариқа «Бухоро» чорак финалга йўлланма олган еттинчи клубга айланди. Бунга қадар «Бунёдкор», «Насаф», «Металлург», «Машъал», «Қўқон—1912» ва «Андижон» клублари ҳам чорак финалда тўп суриш ҳуқуқини қўлга киритганди.
«Championat.asia» хабарига кўра, эртага — 23 май куни Ўзбекистон Кубогининг чорак финалига йўл олган жамоалар вакиллари иштирокида йиғилиш ўтказилиб, унда жуфтликлар биринчи бўлиб кимнинг майдонида тўп суришига ойдинлик киритилади.
Маълумот учун, нимчорак финалдан жой олган фақатгина 1 та ўйин қолган бўлиб, 8 июнь куни Тошкентда «Локомотив» ва «ЎзДонгЖу» клублари тўқнаш келади. Биринчи ўйинда «темирйўлчилар» 4:1 ҳисобида муваффақият қозонганди.
Ўзбекистон Кубоги 18/финал. Жавоб ўйини 22 май, якшанба
«Бухоро» — «Пахтакор» 1:0
Гол: Баҳодир Пардаев, 80-пен (1:0).Дастлабки учрашув: 1:0Чорак финал жуфтликлари«Бухоро» — «Қўқон—1912»«Андижон» — «Насаф»«Бунёдкор» — «Металлург»«Машъал» — «Локомотив»/»ЎзДонгЖу»
Изоҳ (0)