O‘zbekiston Kubogi. Chorak finalning olti ishtirokchisi nomi aniq bo‘ldi

Futbol bo‘yicha O‘zbekiston Kubogining chorak finaliga yo‘llanma olgan olti jamoa nomi ma’lum bo‘ldi. Endilikda “Qo‘qon—1912”, “Andijon”, “Metallurg”, “Mash’al”, “Bunyodkor” va “Nasaf” klublari mamlakat kubogini qo‘lga kiritish uchun kurashda davom etadi.

• O‘zbekiston Kubogida “Paxtakor” o‘z maydonida “Buxoro”ga imkoniyatni boy berdi

1/8 finalning Toshkent derbisi maqomidagi o‘yinida “Obod” kubokning amaldagi finalchisi “Bunyodkor”ga imkoniyatni boy berib qo‘ydi. “Qaldirg‘ochlar”ning 2:1 hisobidagi g‘alabasi bilan yakuniga yetgan bellashuvda har uchala gol ham “Bunyodkor” klubi vakillari tomonidan kiritildi.

Toshkent viloyati derbisida esa “Olmaliq” Bekobodning “Metallurg” klubidan har ikki uchrashuvda ham yengildi. Shuningdek, Qarshining “Nasaf” klubi ham nimchorak finalning har ikki o‘yinida zafar quchib, “Neftchi”ni musobaqadan chiqarib yubordi.

“Buxoro va “Paxtakor” klublari ishtirokidagi bellashuv ertaga, 22-may kuni bo‘lib o‘tsa, “Lokomotiv”ning “O‘zDongJu” bilan o‘yini 8-iyun kuni o‘tkaziladi.

• “Lokomotiv” va “Nasaf” O‘zbekiston Kubogi nimchorak finalini yirik g‘alaba bilan boshladi

O‘zbekiston Kubogi 1/8 final. Javob o‘yinlari 21-may, shanba

“Qo‘qon—1912” — “Navbahor” 1:1

Gollar: Oleksandr Pishur, 11 (0:1). Nosir Otaqo‘ziyev, 17 (1:1).Dastlabki uchrashuv: 1:0

“Andijon” — “Qizilqum” 3:1

Gollar: Islombek Isoqjonov, 25 (1:0). Samandar Shodmonov, 29 (1:1). Ibrohim Rahimov, 69 (2:1). Bobur Akbarov, 79 (3:1).Dastlabki uchrashuv: 2:2

“Olmaliq” — “Metallurg” 2:3

Gollar: Ergash Ismoilov, 9 (0:1). Ayubxon No‘monov, 26 (0:2). Yaroslav Martinyuk, 33 (1:2). Farhod Tojiyev, 40 (2:2). Jasur Hakimov, 79 (2:3).Dastlabki uchrashuv: 0:1

“Bunyodkor” — “Obod” 2:1

Gollar: Shahzod Nurmatov, 11 (1:0). Akrom Komilov, 41-avt (1:1). Sato Minori, 48 (2:1).Dastlabki uchrashuv: 2:2

“So‘g‘diyona” — “Mash’al” 0:1

Gol: Shahboz Erkinov, 17 (0:1).Dastlabki uchrashuv: 1:1

“Nasaf” — “Neftchi” 1:0

Gol: Bobur Abduxoliqov, 62 (1:0).Dastlabki uchrashuv: 4:1

22-may, yakshanba“Buxoro” — “Paxtakor”Dastlabki uchrashuv: 1:0

8-iyun, chorshanba“Lokomotiv” — “O‘zDongJu”Dastlabki uchrashuv: 4:1

• O‘zPFL klublardan O‘zbekiston Kubogi nimchorak finali oldidan reglamentda ko‘rsatilmagan talabni bajarishni so‘radi