O‘zbekiston hududida 2016-yil 10—16-may kunlari kuchli yomg‘ir yog‘ishi oqibatida Namangan, Surxondaryo, Navoiy, Toshkent viloyatlari va Toshkent shahrining ayrim hududlarida sel oqimlari va suv toshqinlari hodisalari kuzatildi. O‘zbekiston Favqulodda vaziyatlar vazirligi matbuot xizmati axborotiga ko‘ra, yuzaga kelgan favqulodda vaziyatlar oqibatida fuqarolar jabrlangan, hududlar va transport tarmoqlariga zarar yetkazilgan.
Favqulodda vaziyatlar oqibatlarini bartaraf etish maqsadida faqulodda vaziyatlarda ularni oldini olish va harakat qilish davlat tizimining tegishli xizmatlari tomonidan kechiktirib bo‘lmaydigan tadbirlar amalga oshirilgan. “Ma’naviy va moddiy zarar ko‘rgan fuqarolarga mahalliy hokimiyat organlari tomonidan zaruriy yordamlar ko‘rsatilgan”, — deyiladi vazirlik axborotida.
Namangan viloyati
10-may kuni Namangan viloyati “Chodak” qishloq fuqarolar yig‘ini hududida kuchli yomg‘ir yog‘ishi oqibatida sel toshqini yuzaga kelib, 96 ta aholi xo‘jaliklari zarar ko‘rgan, 1 ta xo‘jalik butunlay vayron bo‘lgan. Aholi xafvsizligini ta’minlash maqsadida 129 ta xo‘jalikda yashovchi 205 nafar fuqarolar vaqtinchalik xavfsiz hududlarga ko‘chirilgan. Yuzaga kelgan favqulodda vaziyat oqibatlarini bartaraf etishda favqulodda vaziyatlar davlat quyi tizimi (FVDqT)ning tegishli xizmatlaridan 32 ta texnika, 197 nafar xodimlar jalb etilgan.Tuman davlat sanitar epidemiologik nazorat markazi (DSENM) mutaxassislari tomonidan 51 ta xonadon o‘rganib chiqilib, aholi yashash joylari hamda ko‘chalarda 3112 metr kvadrat hajmdagi maydonlar dezinfeksiya qilindi. Shuningdek, ochiq suv havzalaridan 20 ta bakteriologik, 4 ta kimyoviy tekshirishlar uchun na’munalar olindi. Aholiga olib kelingan ichimlik suvidan 4 bakteriologik, 2 ta kimyoviy tekshirishlar uchun na’munalar olinib, tuman DSENM laboratoriyasiga yuborildi.
Sel oqimi ta’sirida zarar ko‘rgan 28 ta xonadonda istiqomat qiluvchi fuqarolarga viloyat xokimligining beg‘araz yordami (har bir xonadonga 1 qopdan un, 5 kilogrammdan o‘simlik yog‘i, 10 kilogrammdan guruch, 5 kilogrammdan shakar, 30 donadan tuxum, 1 kilogrammdan sariyog‘, 1 kilogrammdan choy, 10 kilogrammdan makaron va 4 donadan xo‘jalik sovuni) tarqatildi.
Surxondaryo viloyati
10—11-may kuni Surxondaryo viloyatining Uzun, Sariosiyo tumanlarida kuchli yomg‘ir yog‘ib, sel toshqini vujudga kelishi oqibatida 46 ta aholi xo‘jaliklariga, shuningdek, 4R-107 avtomobil yo‘lining 46—50-kilometrlariga zarar yetkazilgan. Aholi xavfsizligini ta’minlash maqsadida 59 ta xo‘jalikda yashovchi 342 nafar fuqaro xavfsiz hududlarga ko‘chirilgan. Favqulodda vaziyatlar oqibatlarini bartaraf etishda 20 ta texnika, 82 nafar xodimlar jalb etilgan.Uzun tumani xokimligi tomonidan Xo‘jaasmin qishlog‘i aholisiga 15 qop un va 48 kilogramm guruch va 1 million so‘m miqdorida moliyaviy yordam ko‘rsatilgan.
Toshkent viloyati
11-may kuni Toshkent viloyati Ohangaron tumani Qairma qishlog‘i hududida kuchli yomg‘ir yog‘ishi oqibatida sel oqimi vujudga kelib, A-373 “M-39 Guliston—Bo‘ka—Angren—Qo‘qon—Andijon orqali—O‘sh” avtomobil yo‘lining 150—155-kilometrlaridagi uzunligi 50 metr, eni 2,5—3 metr masofada yo‘lning qatnov qismiga zarar yetkazilgan. Favqulodda vaziyat oqibatini bartaraf etish ishlariga 57 ta texnika, 129 nafar xodim jalb etilgan.15-may kuni Namangan viloyati Pop tumani “Chodak” QFY, “Bo‘yon” MFY, “Kalqurbon” MFY kuchli yomg‘ir yog‘ishi oqibatida sel oqimi vujudga kelgan. Sel oqimlari oqibatida 58 ta xo‘jalik zarar ko‘rgan. Favqulodda vaziyat oqibatini bartaraf etish ishlariga 28 ta texnika, 212 nafar xodim jalb etilgan.
Izoh (0)