20-mayning e’tiborga molik yangiliklari — “Daryo”ning kechki dayjestida.
1. Futzal bo‘yicha O‘zbekiston termasi JCh–2016 guruh bosqichida Kolumbiya, Portugaliya va Panamaga qarshi bahs olib boradi. Jahon chempionati O‘zbekiston ishtirokidagi o‘yin bilan boshlanadi, o‘zbekistonlik futzalchilar esa mamlakat ular bilan faxrlanishi uchun qo‘lgan kelganini qiladi.
2. Hindistonda havo harorati 51 darajaga yetib, milliy rekord yangilandi. Oldingi rekord ko‘rsatkich +50,6 daraja bo‘lib, ikki bor — 1886-yil 25-mayda Pachpadra aholi punkti va 1956-yil 10-mayda Alvar shahrida qayd etilgandi.
3. Toshkentda militsiya mashinasi temiryo‘l kesishmasi oldidagi tirbandlikni qarama-qarshi qatnov qismiga chiqib aylanib o‘tdi. Surat qachon olingani ma’lum emas, militsiya mashinasining davlat raqam belgisi esa ko‘rinmagan.
4. Farg‘onalik 121 yoshli momo aktyor Alisher Uzoqov sabab internet qahramoniga aylandi. Onaxon “Ota-onam bormi?” deb qo‘shiq kuylagan.
5. Yevro—2016 o‘yinlarini O‘zbekistondagi jamoat joylarda namoyish etish uchun pul to‘lanmaydi. Taqqoslash uchun, 2014-yili O‘zMTRKning “Sport” telekanali futbol bo‘yicha JCh—2014 o‘yinlarini jamoat joylarda translyatsiya qilish narxini Toshkent shahri uchun 1000 dollar etib belgilagan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)