Universal Mobile Systems O‘zbekiston-Rossiya mobil operatori abonentlari bazasi joriy yilning birinchi choragi yakunlariga ko‘ra, 1,287 million kishini tashkil qildi, bu yil boshidagi ko‘rsatkichdan (1,095 million) 17,5 foizga ko‘p demakdir. Bu haqda “MTS” kompaniyasi (operatorning Rossiya tomonidan ta’sischisi) hisobotiga tayanib, “Gazeta.uz” xabar berdi.
E’lon qilingan moliyaviy natijalarga ko‘ra, UMS 2016-yil birinchi choragida ko‘rgan foyda o‘tgan chorakka nisbatan 3,5 foizga ko‘payib, 85,241 milliard so‘mni tashkil etdi. “MTS” xabarida aytilishicha, umumiy foydaning o‘sishiga ma’lumotlar uzatish xizmatlari iste’molining oshishi sabab bo‘lgan.
Operatorning kapital xarajatlari o‘tgan chorakdagi 63,579 milliard so‘mdan 5,907 milliard so‘mgacha kamaydi. Yanvar—martdagi sof zarar 12,507 milliard so‘mga teng bo‘ldi (avvalgi chorakda — 22,071 milliard so‘m).
Izoh (0)