Threshold Global Studios “Tetris” o‘yinini ekranlashtirish uchun 80 million dollar sarflash niyatida. Filmni suratga olish ishlari 2017-yili Xitoyda boshlanadi, deya xabar beradi “Interfaks”.
“Ilmiy-fantastik triller” deb atalayotgan film uch qismdan iborat, u AQSh va Xitoy hamkorligidagi studiyaning ilk loyihasi bo‘ladi. Unda xitoylik va amerikalik aktyorlar ishtirok etadi, biroq ularning nomi oshkor etilmagan.
“Threshold Global barcha madaniy qatlamlarga taalluqli, global bozor uchun mo‘ljallangan filmlarni suratga oladi. ‘Tetris’ tarixdagi eng ommalashgan videoo‘yinlardan biridir va bizning strategiya uchun mos birinchi loyiha hisoblanadi”, — deyiladi studiya egalari (AQShning Threshold Entertainment Group va Xitoyning Seven Star Works kompaniyalari) qo‘shma bayonotida.
Ma’lumot uchun, “Tetris” o‘yini 1984-yilda sobiq Ittifoq dasturchisi Aleksey Pajitnov tomonidan yaratilgan bo‘lib, shundan beri o‘yin 500 million marotabadan ko‘proq yuklab olingan.
Izoh (0)