Toshkentdagi Yoshlar ijod saroyida “Charm, poyabzal, kiyim va aksessuarlar — 2016” V-xalqaro sanoat ko‘rgazma yarmarkasi o‘z ishini boshladi. Bu haqda UzReport xabar bermoqda.
Ko‘rgazma-yarmarka doirasidagi muhim voqealardan biri “O‘zbekcharmpoyabzali” uyushmasi bilan Rossiyaning “MOSShUZ” poyabzal, sumkalar va aksessuarlar xalqaro ixtisoslashtirilgan ko‘rgazmasi o‘rtasida o‘zaro hamkorlik to‘g‘risidagi memorandum imzolanishi bo‘ldi.
Mazkur memorandumning imzolanishi ikki davlat poyabzal ishlab chiqarish va terini qayta ishlash korxonalari hamkorligini mustahkamlashga xizmat qiladi. Uning doirasida O‘zbekiston va Rossiyada, shuningdek, uchinchi mamlakatlarda soha bo‘yicha sheriklarni topish, mahsulotlarni targ‘ib etishda o‘zaro tashkiliy va axborot ko‘magi ko‘rsatilishi ham ko‘zda tutilgan.
Ma’lumot uchun, “MOSShUZ” Moskvada yilda to‘rt bor o‘tkaziladi va unda muntazam ravishda dunyoning 27 davlatidan 300 dan ziyod yetakchi kompaniya ishtirok etadi.
Izoh (0)