Toshkent xalqaro aeroportidan “Toshkent” vokzaliga olib boruvchi Sodiqjon Tolipov ko‘chasida o‘quv-mashq mashinasi va Matiz avtomobili ishtiroki yo‘l-transport hodisasi yuz berdi. Bu haqda Facebook’dagi “Voditeli Tashkenta” guruhida fotoxabar qoldirilgan.
To‘qnashuv oqibatida VAZ-2104 rusumidagi o‘quv-mashq mashinasi jiddiy zarar ko‘rgan, hodisagacha yo‘lning qarama-qarshi qatnov qismidan kelayotgani aytilgan Matiz esa aylanib ketgan.
“Shukrki, o‘quv-mashq mashinasi ichida bo‘lganlarning hech biri jabrlanmagan. YTH vaqtida mashina ichida yo‘riqchi-haydovchi va uning onasi bo‘lgan”, — deb yozadi YTH haqida “Voditeli Tashkenta” orqali xabar topib, so‘ng yo‘riqchi bilan aloqaga chiqqan uning avvalgi shogirdlari.
Foydalanuvchilarning qayd etishicha, Sodiqjon Tolipov ko‘chasining shu qismida yo‘l-transport hodisalari tez-tez yuz berib turadi. Jumladan, 13-may kuni shu ko‘chada MAN yuk mashinasi, Matiz va Damas ishtirokida avariya yuz berib, hodisa oqibatida qurbon borligi haqida xabar berilgan edi.
Izoh (0)