Super og‘ir vazndagi rossiyalik bokschi Aleksandr Povetkinning doping tekshiruvida uning qoni tarkibida juda kam miqdorda meldoniy moddasi qoldiqlari borligi aniqlandi. Ushbu moddani sportchi oxirgi marta 2015-yilning sentabrida iste’mol qilgani ma’lum bo‘ldi. Bu haqda bokschining manfaatlarini ifodalovchi “Mir boksa” promouterlik kompaniyasi rahbari Andrey Ryabinskiy bayonot berdi.
“Qonda meldoniyning kam miqdordagi qoldiq izlari topildi. U mazkur moddani o‘tgan yil sentabrida iste’mol qilgandi. 1-yanvardan so‘ng esa iste’mol qilmadi. Vaziyat g‘alati. Doping uchun proba aprelda olingandi. Biz WBC (Xalqaro boks kengashi) bilan aloqadamiz”, — uning so‘zlarini keltiradi “TASS”.
Ryabinskiyning ta’kidlashicha, Povetkinning Deontey Uaylder bilan 21-mayga belgilangan uchrashuvi bo‘ladimi, bo‘lmaydimi — buni WBC hal qiladi.
Izoh (0)