Tergovchilar Moskva viloyatida besh nafar baykerni maishiy negizdagi mojaro tufayli otib o‘ldirganini tan olgan gumonlanuvchini hibsga olish bo‘yicha sudga talabnoma bilan chiqadi. Bu haqda Tergov qo‘mitasining Moskva viloyatidagi boshqarmasida ma’lum qilindi, deb xabar beradi “TASS”.
“Tergovchilar tomonidan Yegoryev tumanida besh nafar erkakni o‘ldirishda gumon qilingan shaxs qo‘lga olindi. U 1988-yilda tug‘ilgan, xususiy qo‘riqlash korxonasi xodimi bo‘lgan mahalliy fuqaro bo‘lib chiqdi. Gumonlanuvchi o‘zi istiqomat qilayotgan uy yaqinida ushlandi. U tergovchilar tomonidan so‘roq qilindi va bo‘lib o‘tgan hodisaning barcha tafsilotlarini gapirib berdi”, — deb ta’kidladi boshqarmadagi manba.
Gumonlanuvchining aytishicha, pivo zavodining tashlandiq binosi oldida baykerlar motopoyga yakunlanishiga bag‘ishlangan tadbir o‘tkazish uchun konsert maydoni tayyorlagan. Kechki payt ular spirtli ichimliklar ichgan va gumonlanuvchi ham ushbu davraga qo‘shilgan. Qaysidir pallada baykerlar va gumonlanuvchi o‘rtasida maishiy asosda mojaro kelib chiqqan. Shundan so‘ng erkak uyiga kirib, ov miltig‘ini olgan va qaytib kelib, har bir baykerga qarata kamida bir marta o‘q uzgan. Qolmishiga ularni pichoqlashga ham ulgurgan.
Izoh (0)