Istanbulda noma’lum qurollangan shaxs taniqli jurnalist Jan Dundarni otib tashlashga urindi. Voqea Dundarning ishi ko‘rib chiqilayotgan sud binosi oldida sodir bo‘ldi, deb xabar beradi “TASS”.
Sud eshituvida tanaffus e’lon qilinish munosabati bilan Dundar bino tashqarisiga chiqqanida jinoyatchi unga qarata uch marta o‘q uzdi. Jurnalist jabr ko‘rmadi, ammo NTV telekanali muxbiri Yag‘iz Shenkal oyog‘idan yengil jarohat oldi.
Hurriyet gazetasi bosh muharriri Jan Dundar, gazetaning Anqara byurosi rahbari Erdem Gul o‘tgan yilning oktabr oyida qo‘lga olingan, lekin keyinchalik ozodlikka chiqarilgan edi. Ammo ayblov yuzasidan sud eshituvlari bugungi kunga qadar davom etmoqda.
Izoh (0)