Истанбулда номаълум қуролланган шахс таниқли журналист Жан Дундарни отиб ташлашга уринди. Воқеа Дундарнинг иши кўриб чиқилаётган суд биноси олдида содир бўлди, деб хабар беради «ТАСС».
Суд эшитувида танаффус эълон қилиниш муносабати билан Дундар бино ташқарисига чиққанида жиноятчи унга қарата уч марта ўқ узди. Журналист жабр кўрмади, аммо NTV телеканали мухбири Яғиз Шенкал оёғидан енгил жароҳат олди.
Hurriyet газетаси бош муҳаррири Жан Дундар, газетанинг Анқара бюроси раҳбари Эрдем Гул ўтган йилнинг октябрь ойида қўлга олинган, лекин кейинчалик озодликка чиқарилган эди. Аммо айблов юзасидан суд эшитувлари бугунги кунга қадар давом этмоқда.
Изоҳ (0)