Ikkinchi Jahon urushida, Leningrad qamali yillarida halok bo‘lgan yuz minglab odamlar haqidagi ma’lumotlar turli sabablarga ko‘ra rasmiy statistikadan o‘rin olmagan edi. Bunga ham ma’lumotlarning noto‘liqligi, ham hukumatning taqiqi bois bo‘lgandi. Bu haqda, Leningrad qamali va mudofaasi davlat xotira muzeyiga asoslanib, “TASS” xabar bermoqda.
“1945-yili Nyurnberg jarayonida qamal qurbonlari soni 649 ming kishi deb e’lon qilingan edi. Oxirgi o‘n yilliklar tadqiqotlari shuni ko‘rsatmoqdaki, qamal yillari halok bo‘lgan yuz minglab odamlar rasmiy statistikadan tushib qolgan ekan”, — deb tushuntirdi muzey xodimlaridan biri.
Ayni paytda muzey ishchilari Leningrad himoyachilari va shaharda qamal yillari istiqomat qilgan kishilarning umumiy bazasini yaratish ustida ishlamoqda. Shuningdek, muzeyda boshqa bir qator yangi loyihalar taqdim etilgan bo‘lib, ular orqali shaharning bugungi ahli urushni boshidan kechirgan qarindoshlari va ota-bobolari haqida to‘kis axborot topishi mumkin bo‘ladi.
Izoh (0)