IShID terrorchilik guruhi Suriya va Iroqda qurolli nizolardagi ishtiroki davomida ko‘rgan talafoti 25 ming kishidan oshdi, deya xabar bermoqda “TASS” Buyuk Britaniya bosh vaziri kanselyariyasiga tayanib. Bu haqda mudofaa vaziri Maykl Fellon Yaqin Sharqdagi vaziyat haqida boshqa vazirlarni xabardor etayotib ma’lum qilgan.
Hozirgacha 25 mingdan ortiq jangari o‘ldirilgan, ulardan 600 nafari o‘tgan oy hissasiga to‘g‘ri keladi. Shuningdek, ma’lumotlarga ko‘ra, IShID tomonidan turib jang qilayotgan terrorchilarning umumiy soni hozir ikki yil ichidagi eng kam miqdorga kelib qolgan.
Bosh vazir kanselyariyasi bayonotida aytilishicha, Vashington rahbarligidagi xalqaro koalitsiya mamlakatlari ichida Buyuk Britaniya IShID nuqtalariga eng ko‘p aviazarba berish bo‘yicha AQShdan keyingi o‘rinda turibdi.
Izoh (0)