3-may, seshanba kuni Rossiya Favqulodda vaziyatlar vazirligi xodimlari Moskvadagi attraksionlardan birida 10—12 metr balandlikda qolib ketgan 11 nafar o‘smirni qutqardi. Bu haqda “TASS” xabar bermoqda.
“Moskvadagi xalq xo‘jaligi natijalari ko‘rgazmasi hududida joylashgan ‘Karavella’ attraksioni nosozlik oqibatida to‘xtab qolgan. Yerdan 10—12 metr balandlikda 11 nafar o‘smir qolib ketgan. Qutqaruvchilar yong‘inni o‘chirishda ishlatiladigan narvon yordamida ularni pastga olib tushdi. O‘smirlardan hech kim jabrlanmagan, barchasi o‘zini yaxshi his etmoqda”, — deya ma’lum qilgan FVV Moskva boshqarmasi matbuot xizmati.
Izoh (0)