Hindiston janubidagi Telangana shtatida jazirama qurbonlari soni 219 kishiga yetdi, deb yozadi “RIA Novosti” mahalliy hukumatga tayanib. Butun Hindistonda esa aprel boshidan buyon issiq havo tufayli 300 ga yaqin kishi halok bo‘ldi.
Telanganada so‘nggi bir kecha-kunduzda 41 kishi nobud bo‘ldi. Eng ko‘p o‘lim Nalgonda tumanida qayd etildi, u yerda qurbonlar soni 76 nafarni tashkil etdi.
Shtat poytaxti Haydarobodda ayni paytgacha birorta ham jaziramadan halok bo‘lish holatlari kuzatilgani yo‘q.
Meteorologiya departamenti issiq harorat yana kamida ikki kun saqlanib turishi haqida ogohlantirdi. Ko‘plab shtatlarda 41—45 darajali jazirama kutilmoqda.
Izoh (0)