Ozarbayjon Armaniston parlamentidagi muxolifat deputatlarining hukumatga Tog‘li Qorabog‘ mustaqilligini tan olish haqidagi qonun loyihasini ko‘rib chiqishni taklif etganini provokatsiya sifatida baholaydi. Bu haqda Ozarbayjon prezidenti ma’muriyati tashqi aloqalar bo‘limi mudiri Navro‘z Mamedov ma’lum qildi, deb xabar beradi “TASS”.
“Bu Armaniston rahbariyatining navbatdagi provokatsiyasi. Uni aprel boshlaridagi provokatsiyaning davomi sifatida baholash mumkin. Arman tomoni yana bir bor ular uchun xalqaro huquq, BMT Xavfsizlik kengashi rezolyutsiyalari, shuningdek, muzokaralar jarayoni hech narsani anglatmasligini ko‘rsatmoqda”, — deya ta’kidlagan Mamedov.
Ma’lumotlarga ko‘ra, Armaniston muxolifati mamlakat hukumatiga 5-may, payshanba kuni bo‘lib o‘tadigan yig‘ilishda Tog‘li Qorabog‘ respublikasi mustaqilligini tan olish haqidagi qonun loyihasini ko‘rib chiqishni taklif etgan.
Izoh (0)