Toshkentning “Paxtakor” futbol klubi Osiyo Chempionlar Ligasining “C” guruhini 3-o‘rinda yakunlab, musobaqadan chiqib ketdi.
O‘zbekistonning amaldagi chempioni so‘nggi turni “Al-Jazira” klubiga qarshi o‘tkazib, yirik hisobda zafar quchdi — 3:0. Tomonlarning Amirliklarda bo‘lib o‘tgan birinchi to‘qnashuvida Toshkent klubi 3:1 hisobida muvaffaqiyat qozongandi.
Mazkur g‘alaba “Paxtakor”ni 1/8 finalga olib chiqishi uchun, parallel kechgan o‘yinda Eronning “Traktorsozi” klubi Saudiyaning “Al-Hilol”i bilan hech bo‘lmaganda durang o‘ynashi talab etilardi. Biroq Ummonda bo‘lib o‘tgan uchrashuvda forslar 1:2 hisobida imkoniyatni boy berdi.
Shu tariqa Eron va Saudiya Arabistoni klublari navbatdagi bosqichga yo‘llanma oldi. 4-may kuni bo‘lib o‘tadigan o‘yinda Toshkentning boshqa bir klubi “Lokomotiv” o‘ziga kerakli natijani qayd eta olsa, 1/8 finalda “Traktorsozi” yoki “Al-Hilol” klublaridan biriga ro‘baro bo‘ladi. Guruhdagi 1-o‘rin “temiryo‘lchilar”ni Saudiya klubi bilan, 2-o‘rin fors klubi bilan to‘qnashtiradi.
“Paxtakor” esa so‘nggi bor 2010-yilgi mavsumda nimchorak final chiptasiga ega chiqqandi.
Osiyo Chempionlar Ligasi “C” guruhi. 6-tur 3-may, seshanba“Paxtakor” (O‘zbekiston) — “Al-Jazira” (BAA) 3:0
Gollar: Suhrob Berdiyev, 13 (1:0). Temur Tolipov, 24 (2:0). Jaloliddin Masharipov, 81 (3:0).Chetlatishlar: Said Xizam, 41 (J). Oybek Qilichev, 90 (P).“Paxtakor”: Nikita Ribkin, Abbos Otaxonov, Sherzod Karimov (Oybek Qilichev, 63), Suhrob Berdiyev, Igor Sergeyev, Jamshid Boltaboyev, Kamoliddin Tojiyev (Jaloliddin Masharipov, 46), Davron Hoshimov, Vladimir Kozak, Akbar Ismatullayev, Temur Tolipov.“Traktorsozi” (Eron) — “Al-Hilol” (Saudiya Arabistoni) 1:2
Gollar: Al-Davsari, 15 (0:1). Nong, 48 (1:1). Ailton, 72 (1:2).| O‘ | Jamoa | O‘ | G‘ | D | M | T/N | O |
| 1 | “Traktorsozi” | 6 | 4 | 0 | 2 | 10:3 | 12 |
| 2 | “Al-Hilol” | 6 | 3 | 2 | 1 | 10:7 | 11 |
| 3 | “Paxtakor” | 6 | 3 | 1 | 2 | 9:9 | 10 |
| 4 | “Al-Jazira” | 6 | 0 | 1 | 5 | 2:7 | 1 |
Izoh (0)