Тошкентнинг «Пахтакор» футбол клуби Осиё Чемпионлар Лигасининг «C» гуруҳини 3-ўринда якунлаб, мусобақадан чиқиб кетди.
Ўзбекистоннинг амалдаги чемпиони сўнгги турни «Ал-Жазира» клубига қарши ўтказиб, йирик ҳисобда зафар қучди — 3:0. Томонларнинг Амирликларда бўлиб ўтган биринчи тўқнашувида Тошкент клуби 3:1 ҳисобида муваффақият қозонганди.
Мазкур ғалаба «Пахтакор»ни 1/8 финалга олиб чиқиши учун, параллел кечган ўйинда Эроннинг «Тракторсози» клуби Саудиянинг «Ал-Ҳилол»и билан ҳеч бўлмаганда дуранг ўйнаши талаб этиларди. Бироқ Уммонда бўлиб ўтган учрашувда форслар 1:2 ҳисобида имкониятни бой берди.
Шу тариқа Эрон ва Саудия Арабистони клублари навбатдаги босқичга йўлланма олди. 4 май куни бўлиб ўтадиган ўйинда Тошкентнинг бошқа бир клуби «Локомотив» ўзига керакли натижани қайд эта олса, 1/8 финалда «Тракторсози» ёки «Ал-Ҳилол» клубларидан бирига рўбаро бўлади. Гуруҳдаги 1-ўрин «темирйўлчилар»ни Саудия клуби билан, 2-ўрин форс клуби билан тўқнаштиради.
«Пахтакор» эса сўнгги бор 2010 йилги мавсумда нимчорак финал чиптасига эга чиққанди.
Осиё Чемпионлар Лигаси «C» гуруҳи. 6-тур 3 май, сешанба«Пахтакор» (Ўзбекистон) — «Ал-Жазира» (БАА) 3:0
Голлар: Суҳроб Бердиев, 13 (1:0). Темур Толипов, 24 (2:0). Жалолиддин Машарипов, 81 (3:0).Четлатишлар: Саид Хизам, 41 (Ж). Ойбек Қиличев, 90 (П).«Пахтакор»: Никита Рибкин, Аббос Отахонов, Шерзод Каримов (Ойбек Қиличев, 63), Суҳроб Бердиев, Игорь Сергеев, Жамшид Болтабоев, Камолиддин Тожиев (Жалолиддин Машарипов, 46), Даврон Ҳошимов, Владимир Козак, Акбар Исматуллаев, Темур Толипов.«Тракторсози» (Эрон) — «Ал-Ҳилол» (Саудия Арабистони) 1:2
Голлар: Ал-Давсари, 15 (0:1). Нонг, 48 (1:1). Аилтон, 72 (1:2).| Ў | Жамоа | Ў | Ғ | Д | М | Т/Н | О |
| 1 | «Тракторсози» | 6 | 4 | 0 | 2 | 10:3 | 12 |
| 2 | «Ал-Ҳилол» | 6 | 3 | 2 | 1 | 10:7 | 11 |
| 3 | «Пахтакор» | 6 | 3 | 1 | 2 | 9:9 | 10 |
| 4 | «Ал-Жазира» | 6 | 0 | 1 | 5 | 2:7 | 1 |
Изоҳ (0)