Rolls-Royce kompaniyasi Rolls-Royce Wraith avtomobili egalari uchun maxsus yaratilgan sumkalar to‘plamini chiqardi, deb yozadi “Hi-tech.mail.ru”.
Wraith Luggage Collection deb nomlangan maxsus yukxona to‘plami xaridorlarga 45 845 dollarga tushadi. Nashr taqqoslashicha, AQShda 3-seriyali BMW 33 150 dollarga, 4-seriyali BMW esa 41 650 dollarga baholanmoqda.
Wraith Luggage oltita sumkadan iborat bo‘lib, ularning har biri Rolls-Royce avtomobillariga “eksklyuziv estetika bag‘ishlash uchun” yaratilgan. To‘plamga uchta yo‘l sumkasi, ikkita jomadon va kecha libosi uchun bitta g‘ilof kiradi. To‘plamdagi har bir buyum Rolls-Royce Wraith yukxonasiga joylashadi.
Izoh (0)