Zilzila epitsentri Qashqar va Labzak mahallalari o‘rnida bo‘lib, vertikal zarblar kuchining magnitudasi 5,3 ga teng, silkinish 8 balldan ziyod bo‘lgan.
Zilzila 10—12 soniya davom etgan.
O‘sha yili 10-mayga o‘tar kechasi, 24-may, 5-iyun kunlari ham kuchli (6—7 balli) yer silkinishlari takrorlangan.
Zilzila natijasida 2 million kvadrat metrdan ziyod turar joy, 236 ma’muriy bino, 180 ga yaqin o‘quv yurti, 185 tibbiyot va 245 sanoat korxonasi binolari zarar ko‘rgan.
Yerosti silkinishlari natijasida 78 ming kishi boshpanasiz qolgan, rasmiy ma’lumotlarga ko‘ra, 8 kishi halok bo‘lgan.
Zilziladan keyingi kundayoq shahar ko‘chalari va maydonlarida chodir-shaharlar paydo bo‘ldi, suv va elektr ta’minoti uzluksizligi ta’minlandi va shu sababli ham xavfli epidemiyalar tarqalishi oldi olindi.
Qayd etishlaricha, vayronagarchilik kunlarida shaharda biror marta talovchilik (marodyorlik) harakatlari qayd etilmagan.
Qariyb 15 ming oila o‘z xohishiga ko‘ra O‘zbekistonning va sobiq Ittifoqning boshqa shaharlariga ko‘chirilgan.
Toshkent 3,5 yil ichida qariyb qayta qurildi — shahar chekkalarida yangi turar joy mavzelari qad rostladi, butun boshli yangi bir tuman shaharga qo‘shildi.
Toshkentda keyin ham bir necha bor kuchli zilzilalar yuz berdi, biroq 1966-yilgi qimmatli saboq keng miqyosli vayronagarchiliklar va qurbonlarning oldini olish imkonini berdi.
Izoh (0)