APL, 35-tur. “Liverpul” o‘z maydonida “Nyukasl”ni mag‘lub eta olmadi

Futbol bo‘yicha Angliya Premyer-ligasida 35-turning 23-aprel sanasidan joy olgan o‘yinlari o‘z yakuniga yetdi. Kunning kutilmagan natijasi sifatida “Liverpul”ning 2 ochko yo‘qotganini ko‘rsatish mumkin.

Yurgen Klopp jamoasi elitada jon saqlab qolish yo‘lida kurash olib borayotgan “Nyukasl”ni qabul qildi. Bellashuvning 1/3 qismi ortda qolganida mezbonlar 2 ta gol farqi bilan oldinda borayotgandi. Uchrashuv yakuniga qadar Rafael Bentis shogirdlari hisobni tenglashtirishga muvaffaq bo‘ldi.

• APL, 35-tur. “Manchester Siti” yirik hisobda “Stok Siti”ni mag‘lubiyatga uchratdi

Mazkur turda 3 ochkoni qo‘lga kiritganiga qaramay, “Sauthempton” “Liverpul”dan o‘zib keta olmadi. Turnir jadvalida 34 ta o‘yin o‘tkazgan “Liverpul” 55 ochko bilan 7-o‘rindan joy olgan. 35 uchrashuvda ishtirok etgan “Sauthempton” hisobida esa 54 ochko bor.

Londonning “Chelsi” klubi 9-pog‘onadan joy olgan. Mazkur turda “Bornmut”ni mag‘lub etgan London klubi hisobida 47 ochko mavjud.

Qo‘lga kiritilgan 1 ochko natijasida “Nyukasl” ochkolari sonini “Sanderlend”niki bilan tenglashtirib olganiga qaramay, 19-o‘rindan yuqoriga ko‘tarilmadi. Qayd etish kerak, “Sanderlend” raqobatchisiga qaraganda 2 ta kamroq o‘yinda maydonga tushgan.

Angliya Premyer-ligasi 35-tur bellashuvlari 23-aprel, shanba

“Bornmut” — “Chelsi” 1:4

Gollar: Pedro Rodriges, 5 (0:1). Eden Azar, 34 (0:2). Tommi Elfik, 36 (1:2). Villian, 71 (1:3). Eden Azar, 90+1 (1:4).“Chelsi”: Asmir Begovich, Sesar Aspilikueta, Abdul Baba, Branislav Ivanovich, Sesk Fabregas, Jon Obi Mikel, Nemanya Matich, Villian (Ruben Loftus-Chik, 83), Eden Azar, Pedro Rodriges, Diyego Kosta.

“Liverpul” — “Nyukasl” 2:2

Gollar: Deniyel Starrij, 2 (1:0). Adam Lallana, 30 (2:0). Pappis Sisse, 48 (2:1). Jek Kolbek, 66 (2:2).“Liverpul”: Simon Minyole, Alberto Moreno, Deyan Lovren, Kolo Ture, Kevin Styuart, Konnor Rendall (Filippe Koutinyo, 71), Jo Allen (Lukas Leyva, 72), Jeyms Milner, Adam Lallana (Oluvaseyi Ojo, 83), Roberto Firmino, Deniyel Starrij.

“Aston Villa” — “Sauthempton” 2:4

Gollar: Sheyn Long, 15 (0:1). Dushan Tadich, 39 (0:2). Eshli Vestvud, 45+1 (1:2). Dushan Tadich, 71 (1:3). Eshli Vestvud, 85 (2:3). Sadio Mane, 90+4 (2:4).

24-aprel, yakshanba“Sanderlend” — “Arsenal”“Lester” — “Suonsi”

25-aprel, dushanba“Tottenhem” — “Vest Bromvich”