Tarixdagi ikkinchi britaniyalik astronavt Timoti Pik 24-aprel kuni Xalqaro kosmik stansiyada vaznsizlik sharoitida an’anaviy London marafoni ishtirokchilari bilan parallel ravishda marafon masofasini yugurib o‘tishga tayyor. Bu haqda Yevropa kosmik agentligi astronavti Associated Press’ga bergan intervyusida ma’lum qildi, deb yozadi “TASS”.
44 yoshli Pik aniqlik kiritishicha, XKSdagi yugurish yo‘lakchasini o‘zlashtirib olish uchun unda yetarlicha vaqt bo‘lgan. Eng katta qiyinchilik — bu odamga yo‘lakchada nisbatan mustahkam holatda turish va vaznsizlikda chayqalmaslik imkonini beruvchi tasmalarga ko‘nikish. Bunda tasmalar yelka va belni shilib tashlaydi.
Astronavt mashqlar chog‘ida marafon masofasini bir necha marta yarmigacha bosib o‘tganini aytib berdi. Pik orbitada rekord o‘rnatishga va’da berayotgani yo‘q, u o‘zini yaxshi his qilsa, to‘rt yoki uch yarim soat ichida ulgurishga umid qilmoqda.
Izoh (0)